Kalsadang YOSI KADIRI sa Bulacan

Nahaharap na naman sa panibagong kaso ng Graft and Unethical Practices sa Office of the Ombudsman si Gob Wilhelmino Sy-Alvarado kasama ang mga Bokal ng Sangguniang Panalalawigan, ang buong Sangguniang Barangay ng Barangay Tikay, Malolos pati ang Executive Vice President ng Mighty Corp. na si Retired Judge Oscar Barrientos.

Ang reklamo ay isinumite sa Tanggapan ng Ombudsman noong Enero 29, 2015 ng isang retiradong huwes na si Adoracion Angeles kasama ang concerned citizens ng barangay Tikay, Malolos. Ang reklamo ay direktang paglabag sa "Section 3 (e) Republic Act No. 3019 (Anti-Graft and Corrupt Practices Act) for causing undue injury to any party, including the government, or giving any private party any unwarranted benefits, advantage or preference in the discharge of his official, administrative or judicial functions through manifest partiality, bad faith or gross inexcusable negligence." at paglabag sa "Republic Act No. 6713, the Code of Conduct and Ethical Standards for Public Officials and Employees". 

Nag-ugat ang lahat sa pagpapalit ng pangalan ng pangunahing lansangan (major road) sa Barangay Tikay bilang "Mighty Road" upang bigyan marahil ng parangal o pagkilala ang isang pribadong korporasyon na gumagawa ng sigarilyo na naka base sa naturang barangay, ito ay ang ang Mighty Corporation. Pinapahintulutan naman sa ilalim ng batas ang pagpapalit ng pangalan ng kahit anong pampublikong lugar sa pasubali na ito ay sa pakikipag ugnayan sa Philippine Historical Institute at sa kundisyong ang pagpapalit ay may kaugnayan sa kasaysayan o makapagpapataas ng moralidad lahat ng mga naninirahan dito. Pero ayon sa mga nagsusulong ng reklamo, tila baga kabalintunaan ang nangyari, sa halip ay sa kapaboran lamang ng isang pribadong kumpanya na ang produkto ay nabibilang sa mga tinatawag na "sin products" ang naging basehan ng pagpapalit ng pangalan.

Sa aming pansariling pananaw kung may kasalanan o pagkakamali man ang mga namumuno sa barangay, sa tingin ko mas mabigat ang pananagutan sa batas at sa mamamayan ng mga lider na nasa Kapitolyo ng Bulacan, sa pangunguna ng Punong Lalawigan, bakit nila pinalusot ang ganitong uri ng pagbabago? Manipestasyon at pagpapakita lamang ito ng kanilang kapabayaan at kawalang malasakit sa mamamayan di lamang ng barangay Tikay bagkus ay sa buong lalawigan.

EDSA PEOPLE POWER REVOLUTION, Ano na ang tunay na kabuluhan ngayon?

Eksaktong 29 na taon na ang nakalipas mula ng ilunsad ang sinasabing pinakamapayapang rebolusyon ng makabagong panahon. Isang mahalagang kabanata ang nasulat sa dahon ng kasaysayan ng Pilipinas na hinangaan at ginaya maging ng ibang bansa. Pebrero 22 hanggang Pebrero 25, 1986 napuno ang kahabaan ng EDSA ng mga tao na nagnanais labanan at patalsikin sa pwesto ang noo'y sinasabing diktadurya, ang rehimeng Marcos. Apat na araw na nagbantay at nagkapit bisig ang ating mga kababayan upang tapusin ang kahirapan at muling maibalik ang kalayaan at demokrasya na sa mahabang panahon ay naipagkait sa ating bansa at mamamayang Pilipino. Ispiritu ng pagbabayanihan at pagkakaisa, ito marahil ang naging sandata ng mga taong nanguna sa EDSA Revolution upang labanan at patalsikin sa pwesto ang nag-iisang kaaway, ang rehimeng Marcos. Matapos magtagumpay ang sinasabing mapayapang rebolusyon marami ang umasa na gaganda na ang buhay ng mga Pilipino. 

Subalit sa paglipas ng panahon ay tila nawala na ang tunay na diwa at ispiritu ng EDSA People Power Revolution...maraming tanong pa rin ang namumutawi sa bibig ng mga Pilipino. Bakit marami pang mahihirap? Bakit marami ang nagugutom? Bakit marami pa rin ang walang maayos na trabaho? Bakit marami pa rin ang mga walang matirhan kundi ang mga bangketa sa lansangan? Bakit lalong gumulo ang sistemang pulitikal na umiiral sa ating bansa? Taliwas sa inaasahan na gaganda na ang pamumuhay ng Pilipino. 

Isang bulag at binging saksi na lamang ang EDSA sa tuwing may mangyayaring pag-aaklas at pagtitipon-tipon upang patalsikin sa pwesto ang sino mang sinasabing tiwaling pinuno ng bansa. Marahil kung makapagsasalita lamang ang EDSA baka ang sabihin nito "huwag na ninyo akong gamitin at idamay sa pansarili ninyong intires".

Recall Elections sa BULACAN at PUERTO PRINCESA, Asahan na sa susunod na 2 Buwan

Lubos na ikinatuwa at pinanghahawakan ngayon ng mga mamamayan ng Bulacan at Puerto Princesa, Palawan ang naging pahayag ng Commission on Elections (COMELEC) na dapat nang asahan ang eleksyon sa mga susunod pang dalawang (2) buwan ngayong taon.

Batay sa huling pahayag ni Atty. James Jimenez, tagapagsalita ng Comelec, may sapat aniya na panahon upang maisakatuparan ang recall elections bunga ng petisyong inihain laban kina Bulacan Gob. Wilhelmino Sy-Alvarado at Puerto Princesa Mayor Lucilo Bayron bago pa man umiral one-year election ban. Malinaw na nakasaad sa Local Government Code na ang Recall Election ay dapat na maisagawa isang (1) taon bago ang pagkakaroon ng regular election.

Matatandaan na kamakailan lang ay ibinasura ng Korte Suprema ang Temporary Restraining Order (TRO) na inihain ng mga kampo nina Alvarado at Bayron upang ipatigil ang proseso ng recall. Dagdag pa sa naging pahayag ni Atty. Jimenez, ang proseso ng recall bilang tugon sa dalawang petisyon ay halos kumpleto at matatapos na.

Magpapatuloy ang proseso ng recall hanggang dumating sa punto na mag-anunsyo ang Comelec upang tumanggap ng mga aplikasyon ng kandidato para sa mga posisyong nabanggit at maitakda ang araw ng halalan sa lalong madaling panahon.

Banta ng MERS-CoV at BIRD FLU sa Bansa, Nilinaw ng DOH

Magandang balita ang hatid ng Department of Health (DOH) matapos ipahayag ng ahensya ang dalawang magkasunod na balita upang linawain na walang nang dapat ikatakot ang publiko sa banta ng mga nakamamatay na sakit na dulot ng Middle East Respiratory Syndrome - Corona Virus (MERS-CoV) at Bird Flu.

Naging maingat ang ahensya sa paghawak ng unang kaso ng MERS-CoV hanggang sa tuluyang gumaling at makalabas ng ospital ang Pinay Nurse. Sampung (10) araw pa siyang mamamalagi sa kanyang bahay at pinagbawalang lumabas upang masiguro ang kaligtasan ng publiko. Ang lahat naman ng kanyang nakasama at nakasalamuha ay maituturing nang ligtas sa sakit dahil lumagpas na sa labing-apat (14) na araw na incubation period.

Samantala, isang lalaking Overseas Filipino Worker (OFW) galing China ang umuwi sa Pilipinas noong Pebrero 9. Mismong Araw ng mga Puso pumanaw ang ating kababayan matapos magpatingin sa doktor ngunit tumangging magpa-confine sa ospital. Batay sa mga pagsusuri ng mga doktor at mga sintomas ng sakit ng balikbayan ay posibleng Bird Flu ang naging sakit at sanhi ng kanyang pagkamatay. Sa huli, iginiit pa rin ni DOH Acting Secretary Janette Garin na Bird-Flu pa rin ang Pilipinas.

Magkatuwang ang mga ahensya ng DOH at Department of Foreign Affairs (DFA) upang matiyak na hindi makapasok at makapaminsala ang mga nakamamatay na sakit sa ating bansa. Mahigpit ang kanilang panawagan sa ating mga kababayan lalo na sa mga OFWs na manggagaling sa mga apektadong bansa na makipagtulungan sa kanila. Hiniling din nila na maging tapat sa pagsagot sa Health Declaration Checklist kabilang na rito ang travel history na lubhang mahalaga sa pagtukoy at pag-aalinisa ng bawat kasong magdudulot ng banta sa kalusugan ng mamamayan.

Pulis-Makisig, Wagi sa Mister International Pageant Tagumpay, Inialay sa mga nasawing PNP-SAF Commandos

Balik-bansa na si Police Officer 2 Mariano Flormata, Jr. o mas kilala sa kanyang screen name na "Neil Perez" matapos maiuwi ang titulo bilang Mister International 2015 na ginanap sa Ansan, South Korea nitong Pebrero 14.

Ito ang kauna-unahang pagkakataon na itinanghal at mauuwi ng Pilipinas ang titulo sa nasabing kompetisyon simula ng tayo ay sumali rito. Si Neil ang ika-siyam na kandidatong ipinadala ng bansa upang makipagtagisan ng husay at galing, at hindi naman niya binigo ang sambayanang Pilipino.

Tinupad din ni Neil ang kanyang pangako na iuuwi ang titulo bilang paggalang, paghanga at pagsaludo sa kabayanihan ng kanyang mga kabarong pulis na namatay sa Mamasapano, Maguindanao. Pito (7) sa apatnapu't-apat (44) na Philippine National Police - Special Action Force (PNP-SAF) na nasawi sa madugong engkwentro sa Mamasapano ay naging kaklase at ka-batch ni Neil sa Mabalasik Class 2008.

Instant celebrity ang mamang pulis na miyembro ng PNP Aviation Security Group. Si Neil ay isang bomb and explosive technician na nakatalaga sa Ninoy Aquino International Airport (NAIA).

Nagbunyi ang bansa sa tagumpay ni Neil Perez, ang 29 anyos na Pulis mula sa Tondo, Manila.

Kung Hei Fat Choi

Masayang sinalubong at makulay na ipinagdiwang ang Chinese New Year na may kinalaman at temang Taon ng Kahoy na Tupa sang-ayon sa paniniwalang Intsik.

Malaki ang naging kontribusyon ng mga Intsik sa pamumuhay nating mga Pilipino. Nasakop nila at naging bahagi na ng kulturang Pinoy ang mga paniniwala at tradisyon ng ating mga kapatid na Tsino.

Ang Filipino-Chinese communities ay nagdaos ng mga pistang-gawain sa paniniwalang lalapit ang swerte sa kanila, pagkakabuklod-buklod ng pamilya, maibahagi ang kapayapaan, kagandahang asal at mabuting pakikitungo sa kapwa. Naging abala ang bawat pamilya upang ihanda ang kanilang tahanan na makasunod sa kanilang tradisyon. Nakuha nating mga Pinoy sa mga Intsik ang pagbibigay ng perang nakalagay sa pulang ang-pao, paghahain ng mga matatamis at malalagkit na pagkain tulad ng tikoy at pag-display ng iba't-ibang uri ng mga bilog na prutas sa ibabaw ng mesa para sa magandang takbo ng buhay, relasyon at negosyo. Sa mga Chinatowns sa ating bansa, taunang inaabangan ang float parade na may dancing dragons/lions, acrobatic at fireworks display.

Sa kalendaryong Intsik, ngayong araw pa lamang magsisimula ang kanilang panibagong taon. Ang turo ng isang Feng Shui Master na si Maritess Allen, ang lahat ng sumusunod sa kanilang tradisyon ay dapat sundin at salubungin ang unang araw ng Year of the Wooden Sheep na magsuot ng bago. Ito ay sumisimbolo para sa panibagong simula. Ikalawa, kumain ng matatamis na pagkain upang puro tamis lamang ang matikman at maranasan sa buhay buong taon. Sa huli, binigyang diin n'ya na panatilihin ang kababaang-loob at mamutawi lamang ang matatamis na salita upang masulyapan at marinig pabalik sa iyo ay halos matatamis na salita rin mula sa iyong kapwa. Iwasan ang argumento at pakikipag-away para sa tahimik na buhay.

Ang Chinese New Year ay humigit 4,000 taon nang ipinagdiwang sa tala ng ating kasaysayan. Ngayong taon, ang pagdiriwang ay magsisimula sa Pebrero 19, 2015 at magtatapos ito sa Pebrero 17, 2016.

Unang Kaso ng MERS-CoV, naitala sa Pilipinas

Kinumpirma ng Department of Health (DOH) ang kauna-unahang kaso ng Middle East Respiratory Syndrome-Corona Virus (MERS-CoV) sa bansa, matapos magpositibo sa nasabing sakit ang isang Pinay Nurse galing sa Saudi Arabia kamakailan. Ito ang naging pahayag ni Dr. Lyndon Lee Suy, Spokesperson ng DOH.

Naging mabilis ang hakbang ng DOH sa kasong ito. Iniiwasan din ng ahensya ang pagkalat ng sakit at makahawa pa sa ibang tao. Ang lahat ng mga nakasama sa eroplano at nakasalamuha ng pasyente ay ipinatawag, ipinahanap at mahigpit na pinaalalahanan na huwag mag-atubling magsadya sa pinakamalapit na hospital at magpasuri sa doktor kung sakaling makaranas at makaramdam ng mga sintomas ng MERS-CoV.

Nilinaw pa ng ahensya na ang tatlo (patients under investigation) sa mga nagpakita at nakaranas ng mga sintomas nito ay nag-negatibo na sa nakahahawang sakit.

Hindi rin sapat na umasa na lamang sa resultang ipinapakita ng mga thermal scanners na nakakabit sa ating mga paliparan. Matatandaan na ang Pinay Nurse ay dumaan sa scanner sa Ninoy Aquino International Airport. Tumatagal nang halos labing-apat (14) na araw bago lumabas ang mga sintomas ng sakit, dagdag pa ni Dr. Suy.

Sa ngayon, patuloy pa ring binabantayan ang unang kaso ito sa Research Institute for Tropical Medicine (RITM). Lumabas din sa pagsusuri at ipinahayag ng DOH na ang Pinay Nurse ay tinatayang nasa apat (4) hanggang limang (5) linggong nagbubuntis.

Wala raw dapat ikatakot ang publiko at iwasang maniwala sa mga maling imposmasyong kumakalat ukol sa MERS-CoV.

TRO ni Gob Alvarado Ibinasura ng Korte Suprema, RECALL TULOY NA!

Hindi na mapipigilan pa ang Recall sa Bulacan matapos ibasura ngayong araw ng Korte Suprema ang inihaing Temporary Restraining Order (TRO) ng kampo ni Gob. Willy Alvarado. Wala ng dahilan pa para ipatigil at ihinto ang proseso ng recall hanggang sa magkaroon at makapagtakda ng eleksyon o araw ng botohan ang Commission on Elections (COMELEC) bago at hindi lalagpas ang Mayo 9, 2015.

Matatandaan na isang petisyon ang isinampa sa Comelec laban kay Alvarado noong isang taon. Ito ay makaraang lumagda sa nasabing petisyon ang mga Bulakenyong nawalan na ng tiwala sa pamamahala ni Alvarado dahil umano sa talamak na katiwalian sa Pamahalaang Panlalawigan ng Bulacan at pag-abuso niya sa kapangyarihan.

Tiyak na ang mga mamamayang Bulakenyo ay nag-aabang na sa kahihinatnan nito at naiinip na sa magaganap na halalan. Isang hamon para sa bawat isa ang maging mapanuri at mapagmatyag upang ang katotohanan ay manaig at tuluyang ang batas ukol sa recall ay maipatupad sang-ayon sa nakasaad sa Local Government Code (Book I, Title II, Chapter V, Sections 69 - 75) at sa resolusyon na inapruba ng COMELEC (Resolution Number 7505).

MIYERKULES NG ABO

Ang Miyerkules ng Abo o "Ash Wednesday" sa salitang ingles ay ang unang araw ng Kuwaresma at pumapatak na apatnapu't anim na araw (apatnapung araw naman kapag hindi binibilang ang mga Linggo) bago ang Pasko ng Pagkabuhay.

Bukas ay muling gugunitain ng mga Katoliko ang Miyerkules ng Abo. Naglalagay o nagpapalagay ng Abo sa noo sa anyo ng Krus ang mga mananampalataya. Ito ay tanda o lantarang pagpapahayag na ang isang tao ay makasalanan at lubos na nagsisisi sa mga ito. Ang abo rin ay sagisag ng pagiging pansamantala lamang ng tao dito sa sanlibutan.

Tinatanggap ang abo sa anyo ng Krus bilang pagpapahiwatig na ang ating kaligtasan sa kasalanan at sa kamatayang dulot nito ay tanging sa pamamagitan ni Jesu-Kristo na nag-alay ng buhay, nagtagumpay sa Krus at muling nabuhay upang tubusin ang sanlibutan sa kasalanan.

Trivia: Alam n'yo ba kung saan gawa ang abong ginagamit at ipinapahid sa noo tuwing Miyerkules ng Abo? Kinukuha o kinukolekta ang mga palaspas sa nakaraang Linggo ng Palaspas o Palm Sunday upang sunugin at gawing abo para sa pistang ito. Hinahalo sa abo ang banal na langis na ginagamit sa pagpahid sa mga binibinyagan o pangkaraniwang langis.

Malinaw ang palagiang panawagan ng Simbahang Katolika sa lahat ng debotong Katoliko na magtika at isabuhay ang tunay na diwa ng Kuwaresma.

Recall Election sa BULACAN, Maugong na Maugong na!

MALOLOS, BULACAN – Maugong na maugong ang balita ngayon sa lalawigan ng Bulacan na hindi na mapipigilan pa ang Recall Election matapos maglabas ng Resolusyon ang Commission on Elections (COMELEC) na ituloy ang kaakibat na proseso sa pagkakaroon at pagsasakatuparan nito.

Nang nakaraang taon, isang petisyon ang isinampa sa Comelec laban kay Gob. Willy Alvarado. Ito ay makaraang lumagda sa nasabing petisyon ang mga Bulakenyong nawalan na ng tiwala sa pamamahala ni Alvarado dahil umano sa talamak na katiwalian sa Pamahalaang Panlalawigan at pag-abuso niya sa kapangyarihan.

Kaugnay pa rin ng itinakdang proseso ukol sa recall election, nakalikom ng humigit-kumulang 319,707 na pirma ang mga tagapagsulong nito. Malinaw na ito ay labis sa sampung porsyento (10%) bilang ng lagdang kakailanganin mula sa mga rehistradong botante ng lalawigan para umusad ang proseso ng recall.

Samantala, ibinasura ng Regional Trial Court (RTC) Bulacan ang Temporary Restraining Order (RTO) na inihain ni Alvarado. Ang ibig sabihin ay wala ng dahilan upang pigilin pa at malaya na ang Comelec na ituloy ang proseso ng recall.

Sa isang panayam sa radyo kay Atty. James Jimenez, spokesperson ng Comelec, sinabi niya na may sapat na panahon pa para makumpleto ang recall process upang matuloy ang recall election sa Bulacan. Gayundin naman ang naging pahayag ng Provincial Election Supervisor na si Atty. Elmo Duque. Aasahan na ng publiko ang Notice of Publication sa susunod na tatlong linggo. Pagkatapos nito ay bubusisiin ng Comelec ang mga lagda sa inihaing petisyon. Tinukoy nina Jimenez at Duque na sapat ang panahon para sa kabuuan ng proseso hanggang sa makapagtakda ang Comelec ng araw ng botohan na hindi dapat lalagpas sa Mayo 9, 2015 o isang taon bago ang 2016 elections.

Para sa higit pang kabatiran ng nakararami, ang Recall ay isang uri ng petisyon para paalisin sa puwesto ang isang nanunungkulang pulitiko kung nawalan na ng tiwala ang mamamayan dito. Ang Recall ay naayon sa batas at isang legal na proseso na nakasaad sa Local Government Code (Book I, Title II, Chapter V, Sections 69 – 75) at sa resolusyon na inapruba ng COMELEC (Resolution Number 7505).

HASHTAG FEB-IBIG

Ang buwan ng Pebrero ay buwan ng Pag-ibig. Marami sa ating mga Pilipino ang sumusunod sa okasyong ito na kung saan tradisyon na ang pagbibigay ng mga bagay na makapagpapatibok ng puso tulad ng bulaklak, tsokolate at stuff toys ay ilan lamang sa mga kadalasang ibinibigay sa araw na ito. 

Espesyal ang araw na ito lalo na sa magsing-irog. Tampok sa araw na ito ang hayagang pagpapadama ng pagmamahalan ng bawat isa sa kanyang kapwa. Ano mang uri ng pagmamahal ay lubhang mahalaga upang higit na maging matatag ang samahan at relasyon ng bawat isa na ang tanging hangad ay mahalin at magmahal ng tunay.

Hindi rin naman magpapahuli sa pagdiriwang ng Araw ng mga Puso ang iba't-ibang uri ng napapanahong negosyong matagal nang hinintay at pinaghandaan ang araw na ito. Tiyak na puno ang reservations sa mga restaurants at iba pang lugar na nag-aanyaya sa okasyong ito. Hindi rin basta na lamang matutunaw ang mga tsokolate at cake sa istante nito at maging ang mga bulaklak sa Dangwa ay hindi na makukuha pang malanta sa dami ng mga parokyanong gustong bumili at humabol sa Feb-ibig fever!

Sa kabilang banda, sino ba naman ang makakalimot sa high school life? Patok na patok din ang Feb-ibig sa mga campuses ngayon dahil sa JS Prom. Sa puntong ito nagsisimulang kiligin ang mga Juniors at Seniors na makita ang kakisigan at kagandahan ng kanilang ka-Valentino at ka-Valentina. Kaabang-abang din ang tatanghaling Prom King and Queen 'di ba?

Sikat na sikat din sa mga radio stations ang mga love songs. Tiyak na marami ang makaka-relate sa mga tugtugin sa radyo na tila ba nananadya at nanunukso lalo na sa may mga pinagdaanan o nakalipas na pag-ibig at may kakabit na theme song.

Maganda rin ang mensahe ng isang awitin na nagsasabing "Sana'y pag-ibig na lang ang isipin ng bawat isa sa mundo." Kung magkagayon, tiyak na masaya at payapa ang ating mundo. Mayroong pagmamahal sa asawa, anak, magulang, kapatid, nobya, kaibigan at iba pa. Mayroon din naman para sa trabaho at alagang hayop. Subalit huwag nating kalilimutan ang atlng Panginoong Lumikha. Nang dahil sa kanyang lubos na pagmamahal sa ating lahat ay isinugo Niya ang Kanyang bugtong na Anak upang tayo'y tubusin sa kasalanan. Mahal tayo ng Panginoon sapagka't ang Diyos ay Pag-ibig!

Sa bandang huli, ang pagdiriwang ng Araw ng mga Puso ay nagdudulot ng kagalakan at dalisay na pagmamahal at pag-ibig sa kapwa. Nawa ang araw na ito ay magsilbing paalala sa ating lahat na ang pag-ibig ay walang pinipiling araw, oras, edad at kasarian. Panatilihin at palaganaping ganap ang pagmamahal at malasakit sa kapwa!

Happy Valentine's Day to all!

#feb-ibig

Bulakenyong Tagapagligtas!

Nagpapatuloy pa rin ang isinasagawang pagdinig at imbestigasyon sa Senado at Mababang Kapulungan ukol sa madugong bakbakang naganap sa pagitang ng Philippine National Police – Special Action Force (PNP-SAF), Bangsamoro Islamic Freedom Fighters (BIFF) at Moro Islamic Liberation Front (MILF) noong nakaraang Enero 25 sa Tukanalipao, Mamasapano, Maguindanao.

Ang origihinal na misyon ng PNP-SAF ay arestuhin at hulihin ang mga high-ranking terrorists na nagkakanlong sa nasabing lugar subalit nauwi sa madugong labanan na ikinasawi ng 44 SAF commandos. Napatay sa engkwentro ang isa sa target ng operasyon na si Zulkifli Abdhir alyas Marwan. Pinagtibay at kinumpirma ng PNP at FBI ang pagkamatay ni Marwan dahil sa pagtugma at resulta ng DNA nito. Samantala, patuloy pa ring pinaghahanap at tinutugis ng pwersa ng pamahalaan ang nakatakas na si Abdul Basit Usman.

Isa sa apatnapu't apat (44) na SAF commandos na napaslang sa Mamasapano ay isang Bulakenyo. Siya ay si PO3 JUNREL N. KIBETE. Isinilang sa Libtong, Lungsod ng Meycauayan, Bulacan at kasalukuyang naninirahan ang kanyang pamilya sa Lungsod ng San Jose del Monte, Bulacan.

Muli na namang napatunayan na ang Bulacan ay bayan ng mga bayani. Ipinagmamalaki kayo ng sambayanang Pilipino at saludo po sa inyo ang mga mamamayan ng Lalawigan ng Bulacan dahil sa inyong ipinamalas na kabayanihan at kagitingan upang ipagtanggol ang ating bayan. Marapat lamang na itanghal at handugan ng pagpupugay ang mga bagong bayani.

Ikinararangal ka ng liping Bulakenyo, PO3 JUNREL N. KIBETE!

Guho sa Guiguinto... Warehouse Owner at Project Contractor Kailangang Managot

Larawan ni: Theofilus Luna Santos

Guiguinto, Bulacan --- Ang malalaking pader na nasa larawan ang dumagan sa 15 nahukay sa isinagawang rescue operation makaraang bumagsak bandang alas 3:00 ng hapon noong 19 Enero 2015 habang nagmemeryenda ang mga trabahador.

Umabot sa 12 ang kabuuang bilang ng nasawi sa naturang aksidente. Kabilang na rito and isang 5-buwang buntis na dumalaw lamang sa kanyang asawa. Nakalulungkot na isang 7 taong gulang na batang lalaki rin ang nakasama sa natabunan habang nagpapahinga sa barracks ng kaniyang ama at mga trabahador.

Mahigpit na ipinag-utos ng lokal na pamahalaan ang pagsasagawa ng masusing imbestigasyon ukol sa pangyayari. Nagtungo rin sa pinangyarihan ng aksidente ang kinatawan ng DTI Provincial Office upang magsagawa ng kanilang imbestigasyon at mangalap ng mga construction materials tulad ng bakal upang ipasuri ang mga ginamit na materyales sa konstruksyon kung ito ay pasado sa itinakda ng kanilang ahensya.

Larawan ni Rommel Ramos

Samantala, nanawagan ang Labor Group na Trade Union Congress of the Philippines (TUCP) sa pamahalaan na panagutin sa aksidente ang warehouse owner at project contractor dahil sa pagkasawi at pagkasugat ng mga trabahador nito. Naniniwala ang TUCP na ang ganitong uri ng aksidente ay maiiwasan kung sila ay responsableng tumalima sa kanilang tungkulin sang-ayon sa itinakda ng construction/building code tulad ng occupational safety, health regulations at project standards alinsunod na rin sa mga ganitong uri ng pagawain.

Panagbenga Festival 2015..Mas Pinasayang Pagdiriwang

Everyone is advice to plan ahead and properly arrange their trip to the city of pines where the famous Panagbenga Festival is celebrated every February of each year. In this period, the City of Baguio is expecting thousands and thousands of visiting local and international tourist to celebrate this momentous event of the year. So, be sure to that your itineraries and accommodations are well booked enjoy the celebration.

Below is the full schedule of activities of the festival.

February 1, 2015

• Opening Ceremonies and Street Dancing Parade Competition
  Drum and Lyre Dance Competition – Elementary Division
  Locations: Panagbenga Park, Session Road, Harrison Road, Melvin Jones
• Opening Concert
  Location: To Be Announced
• Baguio Blooms Exhibition and Exposition
  Location: Lake Drive, Burnham Park

February 2 – 14, 2015

• Lifestyle Feature - Travel ( Article MRec ), pagematch: 1, sectionmatch: 1
• Baguio Blooms Exhibition and Exposition
  Location: Lake Drive, Burnham Park

February 15, 2015

• Baguio Blooms Exhibition and Exposition
  Location: Lake Drive, Burnham Park
• Handong ng Panagbenga sa Pamilya Baguio
  Location: Melvin Jones
• Let a Thousand Flowers Bloom
  Location: Melvin Jones
• Panagbenga 2015 Kite-Flying Challenge
  Location: Melvin Jones
• Panagbenga Variety Show
  Location: Melvin Jones
• Fireworks Display
  Location: Melvin Jones

February 16 – 18, 2015

• Baguio Blooms Exhibition and Exposition
  Location: Lake Drive, Burnham Park

February 19, 2015

• Baguio Blooms Exhibition and Exposition
  Location: Lake Drive, Burnham Park
• Chinese Spring Festival
  Location: City-wide

February 19 – 22, 2015

• Baguio Blooms Exhibition and Exposition
  Location: Lake Drive, Burnham Park
• PMA Grand Alumni Home Coming
  Location: Philippine Military Academy, Loakan Road

February 23 – 27, 2015

• Baguio Blooms Exhibition and Exposition
  Location: Lake Drive, Burnham Park
• Floral Arrangement Competition and School-based Landscaping Competition (Judging)
  Location: Elementary and High schools in Baguio City

February 28, 2015

• Baguio Blooms Exhibition and Exposition
  Location: Lake Drive, Burnham Park
• Grand Street Dancing Parade
  Locations: Panagbenga Park, Session Road, Harrison Road, Athletic Bowl
• Sponsors’ and Exhibitors’ Day
  Location: Athletic Bowl

March 1, 2015

• Baguio Blooms Exhibition and Exposition
  Location: Lake Drive, Burnham Park
• Grand Float Parade
  Locations: DILG, Session Road, Harrison Road, Athletic Bowl
• Sponsors’ and Exhibitors’ Day
  Location: Athletic Bowl
• Session Road in Bloom
  Location: Session Road

March 2 – 6, 2015

• Baguio Blooms Exhibition and Exposition
  Location: Lake Drive, Burnham Park
• Session Road in Bloom
  Location: Session Road

March 7, 2015

• Baguio Blooms Exhibition and Exposition
  Location: Lake Drive, Burnham Park
• Session Road in Bloom
  Location: Session Road
• Pony Boys’ Day
  Location: Athletic Bowl

March 8, 2015

• Baguio Blooms Exhibition and Exposition
  Location: Lake Drive, Burnham Park
• Session Road in Bloom
  Location: Session Road
• Panagbenga Closing Ceremonies and Grand Fireworks Display
  Locations: Athletic Bowl and various areas in Baguio’s (Central Business District) CBD

source: panagbengaflowerfestival.com

Amid nat'l grief, Read-Along brings joy to Bulacan kids

News credit from Inquirer.Net



As the country marked the National Day of Mourning on Friday in honor of the 44 police commandos killed in battle with Muslim rebels in Maguindanao, some 800 students in Bulacan bowed their heads in prayer for the fallen heroes.



But the prayers were also of thanksgiving for that morning's activity, which has been held as part of the Inquirer's Read-Along program for the past seven years.

Aside from several read-along sessions with students, teachers and TV personalities, games, treats and entertainment numbers, the pupils of Malhacan Elementary School in Meycauayan, Bulacan, also expressed their gratitude for the books donated as part of Sophia School's annual Adopt-A-Kid project.

Started in 2009, the project is meant to foster a love of reading among children and has so far reached more than a thousand underprivileged kids from Meycauayan and Marilao towns in Bulacan.

The day's activity, held to mark Sophia School's 20th year, had the teachers and students singing, dancing and telling stories during the Inquirer Read-Along session, the first for this year. The session also featured TV5 teen stars Mark Neumann and Shaira Mae de la Cruz.

Life lessons

Neumann and De la Cruz read in tandem Rebecca Anonuevo's "Ang Mahiyaing Manok," which tells of a shy rooster overcoming its insecurity to crow as loudly and as well as the others, while Sophia School teachers Osang de la Vega, Lorna Darilag, Salie Villaluz and Dhang Bernabe read Jenny Evans' "Gaya's Gift," about a carabao who discovers her "special gift."

"Everyone was enthusiastic and cooperative," said senior student Katrina Rodeadilla, president of the student council. "Even the preschoolers brought piles of storybooks as donations."

As a four-time Adopt-a-Kid organizer, Rodeadilla said the project has enabled the students to share their blessings with others. "We show gratitude by sharing our blessings with the less fortunate ones," she said.

Returning storyteller Neumann said his second time as Read-Along storyteller was made more memorable and happier because "there were more kids... and they were very energetic and attentive."

He added: "I think the best part of the session was the interaction with the kids. From the story (of the shy rooster), I hope the children learned that it's important to trust yourself and to be confident about doing something (you) want. Trust what you can do and be strong. And if that's still not enough, you always have your friends and family to support you."

Felt youthful

Dela Cruz described her first time as a Read-Along storyteller as something that made her feel youthful, at the same time that she felt like a teacher and older sister to her young listeners.

She added that she was glad to be able to impart life lessons to the students. "You should have faith in your own skills and be proud of who you are. I hope the (students) won't feel embarrassed or afraid to explore what can help them become better."

Grade 5 pupil Sarah Mae agreed. The shy rooster's story taught her to believe in herself, she said.

Second grader Freshly said as much:   "We should not be afraid to show what we can do," said the seven-year-old who initially had no idea about the activity planned that morning in the covered quadrangle of their school.

Improve reading skills

But she perked up immediately when she learned about the storytelling session. "Who will be the readers?" she asked eagerly, while admitting that she had yet to improve her reading skills.

The students were also entertained by Sophia School's Angklung ensemble, Terpsichoreans dance troupe and the Spins and Swirls Poi Club, and were treated to healthy meals from Cafe Nenzo and drinks from Sophia School parents. Flamebridge Publications, Metrobank (Meycauayan-Malhacan branch) and STI Meycauayan gave the prizes for the question-and-answer portion of the program.

Friday's session, hosted by Junior Inquirer editor Ruth Navarra-Mayo and Sophia School principal Ann Abacan, was held in cooperation with Jan Bautista, MJ Francisco, Paul Mata and Connie Tungul of TV5, the Department of Education-Meycauayan Division and Chino Abacan.